من اروع المحاورات…صياف وخلف
Published on أكتوبر 8, 2013
صياف
نادوا الشيخ ابن هذال يشعب حصانه ***في علم جديد وفي حاجـه غريبـه
قالوا إنه مع العربان مطلق لسانه ***كل مامر له وادي لصق في شعيبـه
خلف
جاك فوق الحصان اللي َطويل عنانه*** في مداهيل حرب إ مسرحه من عتيبه
ألسنتنا لها بالحق فـرض وضمانـه ***مانسوق الشباري بالعظام الصليبـه
صياف
حرب لا جوك قلبك يختلف عن مكانه ***ثم قلت أرحموني ويش هذي المصيبه
أنت مثل البعير اللـي تغيـر زمانـه*** قام ياكل سنامه من رداوت نصيبـه
خلف
حرب عندي دواهم خانة فوق خانه ***لقمة بالرضى ياحرب وإلاغصيبه
والجمل ياحريبينا وسيـع بطانـه*** كل ماطالت الشطه ينـزح حريبـه
صياف
أنت غافل تحسب الناس مثل اللبانه ***مادريت إن بندقنا تصيب الضريبه
أنت رجل لعين ولاتكـب اللعانـه ***كل ماشفت لك واحد غريب إتعديبه
خلف
ليت لك في بلد جيزان دار وحضانـه ***حيث فيك الوصوف من التهامي قريبه
لاتحـدد سنونـك ياوليـد السمانـه ***لي مخالب طوال ولي كفوف عطيبـه
صياف
أنت أمانه واحنا مانطـش الأمانـه ***دام هذي علومك فيك شكه وريبـه
ليه تترك صلاتـك ياقليـل الديانـه ***مادريت إن جمر القبر تحت النصيبه
خلف
صون أمانتك وأحرصها برفق وصيانه ***وأحلب العنز وابن التيس حرم حليبه
ابن عمك طبوعه قشر واسمه عفانه ***كل ماغاب نجـم بالسمـا ينسريبـه
صياف
صنتها صون مسلم مايعـرف الخيانـه ***ميـر بعـض الأوادم علـة يندعيبـه
أنت شاوي غدت معزاه في وسط ضانه ***عقب قفا شبابه مابقـي غيـر شيبـه
خلف
حط للرجل عن شوك إلها راس البطانه ***داخل لك حمـى مجهـول ماينمشيبـه
لو تضيع الغنم ماني بـأرض الكنانـه ***نجد أببطش بحصنيه وأضيـق بذيبـه
صياف
تعرف إني ذهين ومن رجال الذهانه ***والله إن الشراب الحلو ماتهتنيبـه
إعرف الشجره اللي تنبت البرتكانه ***ثم عقب العشا قفل عليها الزريبـه
خلف
أعرف إنك ولد شيطان منبع شطانه ***فكرتك ما تجيك ألا وأنافـي مغيبـه
ودي أصدع بهذا الضلع وأخلف كيانه ***لين أهججـك والفيـران ماتلتجيبـه
صياف
من يهين العرب يبشر بكثر الأهانـه ***أنت غايب وأنا أدورك مثل الذهيبـه
انت غوار وإلا واحـد مـن خوانـه ***تحسب إن الجبل يطلب ويرضي طليبه
خلف
إعرف إني عذاب المشتهي وإمتحانه*** وأنت اللي تودي علـم وإلا تجيبـه
قمت تطرق لسانن كنـه الخيزرانـه ***ضاع وصفك بعد نصفك بغيت إتغديبه
صياف
لو تقدر عليه من أمس قضيت شانه*** مير ماأضن عندك درهم تشتريبـه
أنت مثل الحصان اللي يزيد إرثعانه ***مير لي هساع ماميزت خبثه وطيبه
خلف
هيكلك دبلوماسي كن عنـدك حصانـه ***بس ينقصك ياصياف حكمـه وهيبـه
صاحبـي لويلعـن مالحقنـي لعانـه ***وأعرف أن الحريب يحب هزمة حريبه
صياف
كان قرصك بوسط النار عندي دهانه ***إلمس الجمر والدخـان لا تستقيبـه
واحدن طاحت أسنونه وطاحت ثمانه ***لو بغى يدعي للناس وش يدعيبـه
خلف
ماذكرنا البخيل أبخير نرقـد بأمانـه ***خل دهنك على قاعـدك لا تعتزيبـه
أنت فوق الرحى طحان وأبغى طحانه ***أنبت الجوع في راسي ثمانين شيبه
Author: ابو بدر
Posted in: